Småjobber

I det siste har det blitt småstrikk på meg.

Mor hadde ein jumper på gang, 

men det blei vanskeleg med mønsteret når det skulle aukast og fellast.

Ho hadde strikka bolen når eg overtok, og eg har strikka resten.

Den er i str 2 år og garnet er Merinoull.

I fjor strikka eg meg ein topp i garn som eg farga.

Eg har ikkje vore fornøgd med armhola, dei var alt for vide.

Nå har eg strikka 3/4 armar på den.

Det er det eg liker best, så nå skal den bli meir brukt.

Eit sokkepar i tynt Fabelgarn er det og blitt.

Eg fekk eit sokkemønster på garnbutikken Fortuna,

og eg har brukt deler av den.

Ei venninne har snart bursdag og ho skal få dei i presang.

Q-Symre Kofte

Yngste dattera ønska seg ny kofte. 

Ho fann mønsteret til Q-Symre kofta og kom med Lille Lerke garn.

Det er eit mjukt garn i blanding av merinoull og bomull.

Eg starta på den i påsken og var ferdig med monteringa på fredag.

Det passa godt, då ho kom heim den dagen.

Det er alltid spennande om plagget passer, og kofta satt fint på henne.

Eg strikka den litt høgare bak, det stod ikkje i mønsteret, men det blir finare i halsen.

Knappar skal ho ordna sjølv. Ho blei godt fornøgd.

Været har vore veldig skiftande i vår, 

fra sommarvarme og blomstrande buskar i slutten av april,

til snøvær i mai. Men det er vel normal vår her i landet.

Håper på varmare vær snart!