lørdag 19. januar 2019

Nancyjakke

Det første arbeid i 2019, ein Nancyjakke, er ferdig.
Eg var på julemesse med det handfarga garnet mitt, 
og der fekk eg ein bestilling på denne jakka strikka med garnet mitt.
Det var veldig kjekt, og spennande om eg fekk til rette farger.
Eg strikka den litt høgare bak, elles er den etter oppskrifta.
Nå er den ferdig, og eg håper mottaker blir fornøgd.
Ho skulle finna knappar til den sjølv.




*

I år er julerosa mi fin, den har blomstra sidan starten på desember.
Kjekt å ha blomster i hagen midt på vinteren!


tirsdag 1. januar 2019

Siste oppdatering for 2018

Det har vore eit år med masse handarbeid i år og.
Det meste går i strikking, då slapper eg av og nyt det!
Det har blitt heile 81 forskjellige plagg, store og små tilsaman.
Det siste eg laga i 2018 er eit par tova votter og ein hals til eit barnebarn.
Ho fekk farga ein hespel lammeull-garn for ei stund sidan,
og eg lova å strikka votter til henne. Og nå blei det både votter og hals.
Halsen strikka eg med ein tråd børsta alpakka saman med lammeullen.





*

Eg har og lært meg noko nytt dette året, eg fekk læra meg å spinna.
 Sølvi kom på besøk og var så snill å læra meg teknikken. 
Me hadde nokre kjekke dagar saman i vår.
Nokon ekspert er eg ikkje blitt, det er øving som må til.
Datter vår har gard med sauer, og i haust fekk eg ein heil fell lammeull.
Det blir litt å putla med framover med vasking og karding av ull.
Tenk, eg fekk kardemaskin til jul av maen, det var heilt uventa for meg!!
Så nå ligg alt til rette for spinning i 2019!



Mitt første sjølvspunne garn.

 *

Det blei masse fint i adventspakkane mine, 
ei heil skål full å kosa seg med framover!



Ein flott pakke fekk eg til jul av ei venninne. Det blir ikkje mykje hekling med meg, 
så det var veldig kjekt å få eit fint, hekla nett! Tusen takk, Linda!


Eg spanderte ein pakke på meg sjølv og.
Garnbutikken Fortuna er ein spennande butikk som driv med litt av kvart,
dei farger garn sjølv og. Butikken ligg på Løkken Verk, men dei har og nettbutikk.
Dei laga til ei overraskelse-presang, og eg kjøpte meg ein.
Det angrar eg ikkje på, sjå bare dei flotte fargane å garnet!
Det var og ei prosjektveske og eit mønster på eit sjal med i pakken.
Bilde blei mørkt, men fargane er nokså rette.




*

Då vil eg takka dokke som ser innom bloggen min,
det er veldig kjekt om du legg igjen nokre ord!

Ønsker deg alt godt i det nye året!





lørdag 22. desember 2018

Jakke nr 2 ++

Me har eit barnebarn som elsker alt som er mjukt,
og desse jakkane blei mjuke og lette. 
Denne har eg strikka med ein tråd tynn lammeull 
som eg har farga blå og ein tråd børsta alpakka.
Har strikka den i str. 12 år.






Eg har fått bestilling på herrevotter i det siste,
det eine paret skulle ha tomler på begge sider.
Det er første gang eg har strikka det, men det var vel vanleg før i tida.



Me har ei rund nakkepute, og på den var trekket heilt utslitt.
Eg strikka ei ny med enkelt mønster i eit bomull-merino garn.


I ei gruppe på Ravelry var det ei som arrangerte advent-byttekalender.
Me bytta gaver til dei 4 søndagane + julafta.
Av min byttevenn har eg fått fint garn + fleire kjekke ting, 
kjekt å få garn eg ikkje har prøvd før.
I morgon er det søndag og ny pakke, veldig kjekt!




*

I juletreskogen vår fekk me så koseleg besøk her ein dag.
Han sprang rundt og delte ut klementiner til barna som kom og ville hogga juletre.



*

Vil med dette ønska dokke alle ei fredfull og god jul!








fredag 30. november 2018

Jakke i Alpakka

Dei fleste ungane her i familien vil ikkje ha ullkler, det klør!
Men alpakka går bra. Eg var i lageret mitt og fann nokre nøster
 turkis i Dale alpakka. 
Det strikka eg samen med ein tråd tynn, børsta alpakka, i natur farge.
Det blei bra samen, og jakken blir god og varm.
Eg brukte ikkje mønster, strikka ein heilt enkel jakke med fletter framme
og raglanfelling. Det er godt å sleppa montering. 
Eg strikka nokre forkorta omganger bak i nakken, så blir den litt høgare bak.
Jakken er str 10 år.




Eit par sokkar strikka eg i garn eg har farga sjølv, veldig grøne ;-)




Ønsker alle som ser innom ei rektig god adventstid!



torsdag 22. november 2018

Genser av håndfarga garn

Det nermer seg julemessa der eg skal vera med garnet mitt.
Har funne ut at det er smart å ha modeller,
så får kundane sjå korleis garnet blir når det er strikka opp.
Denne genseren blei til etter kvart som eg strikka.
Har lenge tenkt på korleis bruka ein enkel hespel med spettet garn.
Synes det blei ein grei genser, og den var rask å strikka.
Garnet er lammeull, den er i str. 10 - 12 år.
Kanskje det kunne vore lurt å hatt med mønster og...




Håndfarga Lammeull, 326 gr
Pinne 3,5 og 4

Av restane strikka eg to par votter.
Det er rein lammeull, så eg tova dei litt.







onsdag 14. november 2018

Strikk til Julemesser

Det går i strikking til julemesser nå om dagane,
og den siste måneden har det gått i sokker og andre småting.
Måtte lage noko som er enkelt og går fort. 
Det har blitt 12 par sokkar, 7 pannebånd og 6 par pulsvarmere.
Eg har fått brukt opp rester av alpakkagarn og sokkegarn,
det blir fine sokkar med striper ;-)








Eg held og på å farga garn, 
det skal vera med på ei anna julemesse.
Der skal eg og ha modeller med og ein genser er på pinnane.
Ein blir ikkje arbeidslaus når ein driv med handarbeid!!




*

Ein siste rest av haustfargar fann eg i helga, skikkeleg gullfarge!
Elles er det blitt ganske så brunt.








fredag 19. oktober 2018

Lilje Jakke

Denne jakken har vore ferdig ei stund,
men no først fekk eg tak i knappar til den.
Det er eit gammalt mønster som Wenche Roald har rekonstruert fra
ein utslitt jakke som blei redda fra fillehaugen på Sjølingstad Uldvarefabrikk.
I regi av Strikkedager på Sjølingstad, 
arrangerte dei ein samstrikk av jakken som eg deltok i.
Synes dette mønsteret var veldig fint og kjekt det har ein historie bak.
Garnet eg har brukt, er sjølvfarga lammeull.
Eg har lenge tenkt å strikka meg ein grå jakke som passer til det meste,
og Lilje blei perfekt!




Lilje av Wenche Roald
Farga lammeull, 360 gr
pinne 3 og 3,5