Ka'ana Shawlette

Dette sjalet har eg strikka fleire av, men eg har ikkje sjølv.

Eg mangla eit sjal i grått, og Ka'ana sjalet liker eg å strikka 

og det er passe stort som skjerf.

Mønsteret fann eg på Ravelry og det er gratis.

Denne gang strikka eg det i Drops Baby Merino, 

eit herleg og mjukt garn som ikkje klør.

Det har vore ferdig ei stund, og endeleg har eg fått vaska og blokka det.

Mønster, Ka'ana Shawlette

Drops Baby Merino, 120 gr

Pinne 3,5

*

Lillegutten vår veks fort og han treng ei ny hua.

Denne er fra Klompelompeboka, eit greit og fint mønster.

Pusekattknappar pynter opp.

Klompelompehua, 

Drops Baby Alpakka, 34 gr

Pinne nr 2,5 og 3

*

Påsken nermer seg fort og i morgon tar me påskeferie på hytta.

Det skal bli godt, og strikketøyet er planlagt.

Datter vår ønska seg eit skjørt, så det er det neste på pinnane.

Må bare fella av eit par sokkar fyrst.

Ønsker alle ei god Påske!

Mia og Mio Genser

Aldri så galt at det ikkje er godt for noko, heiter det.

Sidan lørdag har eg sete med vond rygg,

og det har vore positivt for strikketøyet.

Fredag la eg opp til ein genser i str 4 år, og i går felde eg den av.

Den skal vera modell til utstilling i ein butikk.

Du store Alpakka har komme ut med eit nytt hefte, Baby og Barn 0 mnd - 4 år,

DSA47.  Denne genseren er ein av modellane. 

Eg synes den er fin og det blir sikkert fleire, var grei å strikka.

(når eg bare fann ut av fellinga på diagrammet)

Mønster, Mia og Mio Genser DSA 47

Sterk garn, 216 gr

Pinne 3 og 3,5

Eg har og montert ein dåpskjole + hua for ei venninne,

sydd i armene, strikka på kragen, hekla ein kant og festa ALLE tråder!

Det blei ikkje bilder av kjolen.

Slike dagar er det godt å ha handarbeid å jobba med.

Crystal Bright Cardigan

Det har vore stille her ei stund.

Strikkelysten er ikkje heilt på topp, men litt kvar dag blir det.

Men endeleg fekk eg jakken ferdig.

Den er strikka til basaren som foreninga vår jobber til.

Mønsteret fann eg hjå Drops og garnet er Dale Alpakka.
Den blei merkeleg og stripete i fargen på bilde,
den er ikkje slik i virkeligheten, det er mest likt på det nederste bilde.

Mønster, Crystal Bright Cardigan

Dale Alpakka, 479 gr

Pinne 3 og 3,5

*

Me hadde og ei ferieveke, og reisa gjekk til Tenerif.

Det blei ein flott tur med eit fantastisk vær, mellom 32 og 34 gr dei siste 4 dagane.

Då greier ikkje eg å strikka, blir ganske svett i hendene.
Det var best å nyta det ved bassenget!
Der var det aldeles nydeleg. Bilde er tatt på kvelden fra balkongen vår,
me hadde fin utsikt!

Reisestrikket var eit enkelt sjal, det var greit å ha på flyet.

I dag har eg strikka det ferdig, men må vaska og blokka det før bilde.

Me har det ikkje fullt så varmt her heima, dette bilde tok eg i går, 22. mars.

Nå vil me ha vår og blomstring, ikkje snø!

Bøker

Noko som har stått høgt på ønskelista, er bøkene Kofteboken 2 og Selbuvotter

 har eg hørt mykje positivt om dei.

Til bursdgen min fekk eg penger, og då var desse bøkene det første eg tenkte på.

Dei er kome i hus, og eg angrer ikkje, to flotte bøker eg kan anbefala!

Eg fekk ei anna bok og, Strikk med perler.

Eg liker ikkje perler så godt i plagg, men det var mange kjekke oppskrifter på huer, 

sjal, skjerf og votter.

Det går jo fint an å strikka uten perler, kjekk bok det og.

Ein dag kom det ein overraskande pakke i posten.

Eg lurte fælt, hadde ikkje bestilt noko nå??

Eg pakka opp ei nydeleg strikkeveske, og den var fra ei god strikke-venninne.

Ho har sydd den med mange gode lommar i, og det var ein fin størrelse.

Den blei tatt i bruk med ein gang, passar perfekt til jakken eg held på med.

Og så det stilige stoffet då, ugler er kult, har fått masse skryt av den.

Det går ikkje så fort med strikkinga mi for tida, har ikkje den rette ånda!

Jakken eg held på med skal få ei veke fri nå.

Me reiser til varmere strøk, og då blir det noko lettare reisestrikk med.

Skal bli godt å koma vekk fra snøslaps og kaldt vær.

God helg!

Frydkofte

Eg kan ikkje skryta på meg heile denne kofta, berre halve ;-)

Mor har strikka armar og bol og 

eg har strikka rundfellinga med mønsteret og montert.

Kofta er i str. 10 år, den er strikka rundt, 

så eg har klyppa den opp og sydd på stolpane.

Det arbeidet liker eg ikkje, men det må til.

Synes eg fann fine knappar, prikken over ien.

Garnet er Tynn Merino fra Sandnes.

Vottane, Kakaovotten, er og endeleg ferdige. Eg fekk tak i garn i Stavanger,

og fargen er heilt lik. Det er Ask garn fra Hillsvåg.

Vil du lesa meir om desse og tabben eg gjorde, kan du gå inn HER

Kakaovotten

Hifa Ask, 63 gr

Pinne 2,5 og 3

Vintage Rose Cardigan

Då var jakken endeleg ferdig, med untak av knappar.

Dei har eg ikkje hatt anledning til å kjøpa ennå.

Garnet er veldig tynt og lett, Holst Noble heiter det.

Eg kjøpte det i sommar på butikken, Fortuna i Trøndelag,

ein butikk med masse spennande garn og ei koseleg dame som ekspederte.

Ho har nettbutikk og, anbefales!

Garnet er mykje tynnere enn det oppskrifta seier.

Eg måtte ha 42 masker på 10 cm, så eg har rekna om masketallet.

Det gjekk ikkje godt første gang. (sjå forrige innlegg)

Denne gang har det gått fint, måtte og passa på å strikka fleire omganger

på bærestykke innimellom mønsteret for å få det passe.

Det første stykke er det raglansfelling og resten er rundfelling.

Eg strikker lausare på mønsterstrikk, så der gjekk eg ned en kvart pinnestørrelse.

Knappestolpane blei veldig smale, så eg hekla ein omgang fastmasker.

Eg er veldig fornøgd med resultatet.
(Og knappane er komen på plass)

Mønster, Vintage Rose Cardigan, Drops
Garn, Holst Noble, 236 gr
Pinne, 2,5 - 3 og 2,75

*

Lappane til Vividteppe mitt har eg og strikka ferdig.

Nå er det den "kjekke" jobben å sy dei saman eg held på med.

God helg!

Ingen god start...

Det er ikkje mykje ferdig eg kan visa fram i dag.

Det blir strikka litt fram og litt tilbake for tida.

Eit par sokkar er i alle fall ferdige, er litt strukturmønster oppå foten.

Det er vanskeleg å fotografera mørk blått.

Wool Blend garn, 65 gr

Pinne 3

Rett over nyttår la eg opp til ein jakke i tynt Holst garn.

Mønsteret er i eit tjukkare garn, så eg strikka prøvelapp,

rekna om masketalet og satte i gang.

Det såg ikkje heilt rett ut, hadde følelsen av at det blei for stort.

Men nede er det ikkje ribbestrikk, men ei bord,

og den aukes til over 100 masker meir før det felles inn igjen.

Derfor strikka eg borda ferdig og starta på glattstrikken før eg målte,

..... og ja, det var mykje for stort!!

Det må vera noko feil med måla i mønsteret, har ikkje opplevd det før.

Den borda i så tynt garn tok tid, så det var ikkje kjekt å rekka opp igjen!

Men nå er eg godt igang igjen, og nå ser det bra ut.

Elles held eg på med Vividteppe mitt, må snart få det ferdig.

Eg er ikkje heilt fornøgd med fargane i Kaunigsrnet eg bruker,

det var ein grønfarge der som ikkje falt i smak, det blir for mørkt.

Derfor går det tregt. Trur det må bli ein gave eller ein gevinst.

Dei siste åra har eg halde rekneskap med garn eg strikker opp,

og eg har rekna samen forbruket i 2016.

Det har ligge rundt 10 kg, men i fjor blei det 8,745 kg.

Antall plagg eg har strikka er 85 med stort og smått, 

og eg har brukt mykje tynt garn.

I 2016 starta eg å farga garn, det tar litt tid, men det er veldig kjekt.

Håper å kunne fortsetta med det i år og, 

Har lyst til å prøva meir plantefarging, det er spennande.

Ein utfordring i 2017 må bli å læra å spinna.

Rokken fekk eg til jul, så nå har eg ingen unnskyldning...