mandag 22. juni 2020

Damejakka Loppa

Dei siste to åra har eg prøvd meg på å spinna på ein gammal rokk eg fekk.
Ei venninne var så snill å kom og lærde meg teknikken,
Og så var det å øva seg. Det har ikkje gått så fort med meg, men det går betre etter kvart.
Eg var så heldig som fekk ull fra sauene til datter vår.
Ulla har eg vaska, farga og spunne, det er veldig kjekt å gjera heile prosessen sjølv.
Eg har lurt på kva eg skulle strikka av garnet mitt.
Hadde lyst til å laga eit plagg eg kunne bruka.
Då det skulle vera samstrikk av Damejakka Loppa, tok eg sjansen og melde meg på.
Garnet er langt fra perfekt, noko er veldig ujevnt i tjukkelse.
Men det blei betre enn forventa, eg er veldig fornøgd med resultatet.
Bunnfargen har eg ikkje spunne, det er Ask fra Hillesvåg, men eg har farga det.






Men eg har strikka jakken ca 1,5 gang!
Først blei bærestykket for stort, så det var bare å rekka opp.
Maen var så snill å hjelpa meg, var mange tråder å halda styr på.
Så strikka eg nytt bærestykke og delte på ny for armane og stikka i veg.
Men eg var ikkje fornøgd med inndelinga og rekte opp det gråe til mønsteret.
Tredje gangen blei det bra og bolen blei passe. 
Eg måtte beint fram rekka opp ein halv arm og, det er ikkje rart det tar tid å bli ferdig!!


 Men nå er eg fornøgd, den sit som eit skudd!
Eg har ikkje fått kjøpt knappar ennå, håper eg finn nokon fine.












2 kommentarer: