Mysteriestrikk - Snø

Jorid Linvik hadde ein mysteriestikk på Facebook.

Den frista det å vera med på, det var lenge sidan sist.

Og det angra eg ikkje på, tykkjer vottane blei fine. 

Dei heiter Snø, og mønsteret ligg på gruppa hennar, Jorid Linvik design.

Ho er så raus og deler det gratis, trur du finn det ennå om du er interressert.

Eg har strikka dei i Ask med pinne 3.

*

Eg fekk bestilling på 2 par tova votter til menn.

Dei er strikka i Tove med pinne 5, synes det tover seg fint og dei blir passe tjukke.

Sokkestrikk er greit innimellom andre prosjekt. 

Mens eg venta på garn til ei kofte eg skal strikka, blei det eit par restesokkar til maen.

Ønsker dykk alle ei fin adventstid!

Løvlisjal

Dette sjalet har vore ferdig ei stund.

Det er eit mønster eg liker godt å strikka, liker rillestrikk og det er fint på fasong.

Garnet er tynn lammeull, ein tråd ufarga og den blågrå har eg farga sjølv.

Det blir med på messer som modell.

Tynn Lammeull, sjølvfarga

Pinne 3,75

*

Dei minste barnebarna treng nye tova votter, så då må mormor til å strikka.

4 par av Ask garn, det blir mjuke og gode votter.

Strikk til Julemesse

Det har blitt litt til julemessa som foreninga vår er med på i år og, sjølv om eg starta seint.

Eg gjekk i garnlageret mitt og fann fram einslege nøster og garn som har ligge ei stund.

Av desse nøstene har eg strikka 9 par sokkar, 6 huer, 11 pannebånd og 2 halser.

 Eit par selbuvotter blir og med, dei blei for store til meg.

Veldig godt å få nytta noko av garnet mitt.

Desse sokkane fann eg mønster på i boka, Norske Strikkemønstre.

Har ikkje tatt bilde av alle raggsokkane, men det er 6 par til samen.

Ka'ana Sjal og Huer

Dette sjalet har vore ferdig ei stund.

Eg har faktisk strikka eit sjal til, men det er ikkje vaska og blokka ennå,

så det får venta til neste blogg.

Ka'ana sjalet har eg strikka fleire av, det er enkelt og lett å strikka.

Eg liker størrelse og fasong på det, greit å bruka som skjerf.

Det er strikka i tynt lammeull som eg har farga, med pinne nr. 3,75.

Eg skal ha det med som modell når eg er på messer med det handfarga garnet mitt.

*

Eg jobber litt til ei julemesse til som forreninga vår er med på.

Har hatt nokre nøster Balder liggande i lageret mitt,

eit tjukt og mjukt ullgarn.

Det har blitt 4 huer til denne tid, dei er raske å strikka på pinne 7 og 8.

Den hua med lys grå dusk fann eg oppskrift på hjå Drops,

dei andre strikka eg mønster etter eige hode.

På Vottekjøret

I fjor kjøpte eg den flotte boka, Selbuvotter.

Eg har ikkje strikka noko fra den før og tenkte det var på tide nå.

Eg har satt samen forskjellige mønster i votten,

og resultatet blei eg godt fornøgd med.

Men eg har sikkert strikka 3 votter til samen, 

det blei ein del opprekking og tilpassing!

Garnet er Ask fra Hillesvåg, strikka på pinne 3.

Fleire par tova votter har eg og strikka.

Eit i herrestørreslse som blei gitt bort i bursdagspresang.

Og 5 par barnevotter har eg strikka av rester av garn som eg har farga.

Dei skal eg ha med på messe eg skal vera med på i helga, der eg skal selga farga garn.

*

Tidlegare i haust kom me over nokre flotte kantareller.

Mange var så store som handa mi, har aldri sett dei så store før!

Det er ei 10 liters bøtte me har henta, så størrelsen viser på bilde.

Fleire flotte sopp såg me og, men dei blei ikkje plukka!

Skjørt og Topp

Det er blitt sjeldnare med blogginnlegg herfra,

så nå har eg to plagg ferdige.

Først strikka eg ein topp eg fann i Sandneshefte nr 1806, stripetopp,

men uten striper. Det er 3. toppen eg strikker fra det heftet.

Garnet kjøpte eg i Sverige på turen i sommar, Lilly garn - viskose/lin.

Eg styrte litt med den toppen. Garnet var så ulikt farga i nøstene, 

så eg rekte opp ein del under armane 2 ganger. 

Strikka vekselvis med to nøster, og det blei bedre.

Den er strikka ovenfra og ned.

Så blei armen for vid og eg rekte opp igjen. Har strikka armane 3/4 lange, eg liker det best.

Den blei veldig vid rundt halsen, så eg strikka på ein I-cord for å strame den inn,

og det fungerte fint. Toppen blei bra til slutt.

Fargen er militærgrønn.

Har lenge hatt lyst til ¨å strikka meg eit skjørt, og nå blei det, endeleg.

På Drops sine gratismønstre fann eg oppskrift på Belle Skjørt.

Det blei veldig vidt, så det og måtte eg rekka opp ein del igjen.

Det blei til at eg strikka minste størrelsen, og det blei bra til meg.

Semele Sjal

Dette sjalet har eg strikka eit av før,

og då sa eg "aldri meir" etterpå. Men slik blei det ikkje!

Det er eit tidkrevande arbeid med mønster på kvar ein pinne, og det er ikkje noko TVstrikk!

Eg har ei tante som blir 70 år i oktober, og ho ønska seg sjal.

Då blei det til at eg fann fram dette mønsteret allikevel, det er jo eit fint sjal.

Det ser ut som eg har brukt eit halvt nr. tjukkare pinnar denne gang, 

for det blei større og luftigare. 

Eg er ikkje heilt fornøgd med det, men håper ho liker størrelsen.

Det er lenge sidan oppdatering her på bloggen, så det er ein del ferdig.

Eg har strikka sokkar i Regiagarn kjøpt på Fortuna, 

det blei to par i str. 38 av eit 100 gr nøste.

Dei blei nesten identiske i mønsteret.

Eit par klutar, det er greit innimellomstrikk!

Det var ein så flott regnbue her ein dag, og den var dobbel.

Skjelden å sjå heile buen så klar.

Desse fine sommarfuglane har det vore mengder av i det siste.

Dei gule blomane veks langs vegen,

og ein dag eg gjekk tur, myldra det av sommarfuglar.

Har aldri opplevd maken.

Ein genser er og ferdig, men den får koma i neste innlegg.

Feriestrikk

Me har vore på tur med campingvogna i to veker.

Då har det blitt litt strikking, både i bilen og på kveldane.

Først blei det eit Elise-skjørt til eit barnebarn, eit enkelt og fint mønster.

Ho er veldig sensitiv for ull, det klør!

Så eg har strikka skjørtet i Viking Bamboo, eit veldig mjukt garn.

For eit par år sidan vant eg garn på ein amerikansk podcast.

Det er håndfarga merinogarn med glitter i.

Eg synes Løvlisjalet er så fint på fasong og det er enkelt å strikka,

og du kan strikka så langt garnet rekk.

På løvkanten brukte eg ein rest, og det blei akkurat for lite!

Eg for i kjellaren når eg kom heim og farga ein hespel Arwetta,

Det blei ganske bra på fargen, så eg fekk gjort det ferdig.

Eg strikker litt i bilen og, men då må det vera så enkelt at eg slepp å sjå på hendene.

Då går det bra og eg får nytta nokre timar me sit i bilen.

Det blei akkurat 3 klutar, felte av den siste ein time før me var heima!

Eg liker store klutar og strikker alltid opp heile nøstet.

I år har eg prøvd å handle minst muleg garn, men når me er på tur

må eg ha nokre nøster souvernirgarn!

I Sverige i ein bokhandel av alle ting, fann eg eit viskose/lingarn

som heiter Lilly, det er eit Jarbo garn. I Halden i ein stor garnbutikk

blei det Finull og sokkegarn.

Me hadde ein fin tur med fint vær nesten heile tida.

I Halden fekk me oppleva Allsang på Grensen, kjempekjekt!

Juvelgenser

Då har eg slått meg på trenden å strikka med mohair.

Eg kan ikkje seia at det var ein fornøyelse.

Eg strikka med to tråder Erle garn i to forskjellige rødfarger på pinne 5,5,

det er i tjukkaste laget for meg, og garnet loer så veldig.

Men dattera mi har fått genseren ho ønska seg.

Den blei mjuk og god og lett som ei sky.

Oppskrifta til Juvelgenseren stod i ukebladet Familien, og designer er 

Anita Brathetland.

To par raggsokkar har eg strikka innimellom,

det er avslappande strikk. 

Det eine paret strikka eg i vaffelmønster i eit garn eg ikkje har prøvd før,

Dale Hakkespett. Det andre er i Perfekt.

Julietopp

Det var ein ny farge eg måtte prøva, skyblue.

Eg farga den på opalgarn. Det garnet tar farge veldig ujevnt,

men eg liker når det blir jevne spetter i plagget.

Det gjekk bra denne gang, har strikka med to nøster og 

veksla annenkvar omgang.

Mønsteret er fra Dale sitt hefte, Sommerfavoritter nr 1806.

Hullmønsteret er likt framme og bak, fra raglan aukinga og ned.

Den er strikka ovenfra og ned, praktisk å få prøva etter kvart.

Eg strikka den høgare bak i nakken med forkorta rader.

Det sto ikkje i oppskrifta, men det blir så mykje bedre .

Julietopp

Opalgarn, 283 gr

Pinne 2,5 og 3

Ønsker alle som kikker innom her ei god pinsehelg!