Barnegenser - Halser - Sokker

I fleire år har eg hatt nokre nøster Elise garn liggande.

Eg prøver å bruka mest mogleg av garnlageret mitt, og nå fann eg fram Elise nøstene.

Etter oppskrifta på Sinnasaugenseren, la eg opp til ca 5 år.

Garnet er fleirfarga, så eg strikka den bare i glattstrikk uten mønster.

Kanskje den kan bli barnehage-genser til barnebarnet.

Viss ikkje går den i basar/gavekassen.

Men eg har ennå meir garn igjen, det blir nok kluter.

I sokkesamstrikken til Brit Strikkenerd skulle det strikkas Thuja-sokker i juli.

Dei var enkle og fine, så eg strikka eit par til mannen min.Han sliter ikkje hælen bak, men under hælen.

Så eg droppa forsterka hæl og strikka mønster heilt ned på hælkappa,

og strikka heller ein forsterkningstråd med i fellinga under.

Halsen, The Shift, likte eg veldig godt, kjekk å strikka og 

det var greit å få brukt enkle nøster som berre ligg der. Det er blitt 3 stk nå.

Denne er strikka i eit nøste Fantasy fra Sandnes og eit nøste Myflower 1 Class.

Begge skifter i fargane, og då blir det fine striper.

Og denne er strikka i Sandnes mini-Palett og Hot Socks fra Sockenwolle.

Den første eg strikka har eg blogga om før, men eg viser den her og.

Denne blir min og dei andre to går i basar/gavekassa.

To par tynne sokker har det og blitt i sommar.

Eit par i Opal Classics garn og eit par i Rauma Magi.

Snøløv og Flax

I bygda vår er det ei som driv ein barneforrening, og der hjelper eg til.

Ho hadde ein pose umerka, fint ullgarn liggjande,

og ho spurde om eg kunne få til noko utav det.

 Til no har det blitt to genserar til basaren.

Det er mykje garn igjen, men for denne gang blir det med dei to.

Den eine er Snøløv genseren, eit enkelt og fint mønster.

Eg fann eit kvitt nøste Tove garn i lageret mitt til mønsteret.

Den andre er Flax light genseren. Den er strikka ovenfra og ned med

eit felt langs armane med riller.

Mønsteret finnes på Raverly, det er gratis og er fra størrelse 2 år 

og opp til stor manfolk størrelse.

Eg har strikka begge i ca 10-12 år.

Eit veldig dårleg bilde, genserane er mørk blå, er mest lik på Flax genseren.

Flax Light og Snøløv

Ukjent ullgarn, 445 gr

Pinne 3 og 3,5

*

Eg har hatt eit Malabrigo sokkegarn liggjande.

Det blei kjøpt på nett, fargen var skuffande då eg fekk det.

Men det blei fine sokkar til maen. 

Det er nok garn til eit par mindre sokkar igjen av hespelen,

eit veldig tynt og drygt garn.

Malabrigo sock, 57 gr

Pinne 3

Mia og Mio Genser

Aldri så galt at det ikkje er godt for noko, heiter det.

Sidan lørdag har eg sete med vond rygg,

og det har vore positivt for strikketøyet.

Fredag la eg opp til ein genser i str 4 år, og i går felde eg den av.

Den skal vera modell til utstilling i ein butikk.

Du store Alpakka har komme ut med eit nytt hefte, Baby og Barn 0 mnd - 4 år,

DSA47.  Denne genseren er ein av modellane. 

Eg synes den er fin og det blir sikkert fleire, var grei å strikka.

(når eg bare fann ut av fellinga på diagrammet)

Mønster, Mia og Mio Genser DSA 47

Sterk garn, 216 gr

Pinne 3 og 3,5

Eg har og montert ein dåpskjole + hua for ei venninne,

sydd i armene, strikka på kragen, hekla ein kant og festa ALLE tråder!

Det blei ikkje bilder av kjolen.

Slike dagar er det godt å ha handarbeid å jobba med.

Genser + Bukse

Det er ikkje alltid lett å finna fine jumprar til guttar,

men denne synes eg var fin, og så hadde eg rette fargane i lageret mitt.

Mønsteret var i det nye heftet fra Du Store Alpakka.

I staden for isydde armar, strikka eg raglanfelling.

Det er så mykje raskare og herleg å sleppa montering.

  

Tøffe ugleknappar pynter opp.

Det var nok garn til ei bukse og.

Fargen er lys blå, ikkje grå. Størrelsen på settet er 4 år.

Buksa har eg gått ut fra Hjertebuksa i Klompelompe boka.

Desse skal i kassen til julemessa.

Smart garn, Jumper, 276 gr

                    Bukse, 219 gr

Ull er Gull

Ullklær under dressen er et must på kalde vinterdagar.

Det er langt fra vintertemp me har nå,

er så herleg med 20-25 gr. dag etter dag i september!

Men det kan brått komma kaldt vær og då er det greit å ha ullklærne klar.

Snuppå vår på snart 7 år hadde vakse fra ullsettet sitt,

og eg fekk ein pose Sterk garn  med ønske om jakken Gro og Hjertebukse.

Nå er det endeleg klart. 

Jakken var ferdig for ei stund sidan og jenta prøvde den på,

men armane var akkurat passe. Det må vera litt å voksa på,

så eg klyppa av lista og strikka dei lengre. 

Tredde rundpinnen i før eg klyppa, litt nifst, men det gjekk godt.

Monteringa gjekk greit og dei fine perlemorknappane blei prikken over ien.

Buksa har ei bord langs sida, hjerter strikka med vrange masker.

Her er fargane best.

Mønster fra Klompelompe boka

Sterk garn, jakken Gro, 317 gr

                  Hjertebukse, 240 gr

Pinne 3 og 3,5

*

Eg har lyst til å visa dokke denne jakken som mor har strikka

til eit nytt oldebarn som snart kjem. Mor er 80 år, synes det er godt gjort.

Eg har bare sydd i knappane for henne.

Ha ei god helg! Håper dokke har like fint vær som det er her,

20 gr. og sol!

Skulegenser

Fleire av mine barnebarn går i barneforening,

og i september skal dei ha basar.

Eg pleier alltid å gi ein gevinst, 

og denne gang har eg strikka ein genser i str 10 år.

Eg har brukt Smart garn som eg har hatt liggande ei stund,

og tenkte denne fargen går kanskje til både jente og gutt.

Fargen er grå med ein lillatone, mest lik på nederste bilde.

Mønster, Dalehefte nr 1111, Til fjells

Smart garn, 405 gr

pinne nr 3 og 3,5

*

Søster mi kom over denne strikkeveska i Haugesund, og då tenkte ho på meg.

Eg fekk den på forskudd som bursdagspresang, veldig kjekt!

Veska er romslig og god, det er to hull i lokket til å ta nøstene gjennom,

og tåden kan gå gjennom mens du strikker.

Ei lita veske til duppeditter kan du henge på,

 og det er handtak på lokket eller ei reim du kan henge over skuldera.

Denne strikkeveska er praktisk i bruk, eg liker den veldig godt!

Tusen takk, søster :)

Ønsker deg ei god helg og kos deg med handarbeid :)

Marius med rundfelling.

Mariusmønster er eit kjekt mønster å strikka.

Det er ingen tvinning av tråder som er det verste eg veit.

Eg liker og å strikka einsfarga glattstrikk, då koser eg meg og nyt det ;)

Likevel er dette den første voksne mariusgenseren eg har strikka.

Men eg har brukt mønsteret i nokre barnekler.

Eg er ikkje så glad i den tradisjonelle fargekombinasjonen,

liker ikkje den røde i halsen.

I lageret mitt hadde eg Sisugarn liggande, greit å få brukt det opp.

Genseren blei akkurat passe til meg, men den er ikkje min.

Den skal vera gevinst på basaren til foreninga vår.

Eg får kryssa fingrane for at eg vinn den!

Fargane er mest lik her.

Rundfelling er heilt topp, tenk å sleppa montering!

Eg felte halsen til masketallet til ein str. mindre, 

det er ikkje fint når halsen blir for vid.

For ikkje å få for stram avfelling, brukte eg ei felling eg fant på Youtube.

Det var ganske enkelt, men det blei fint uten at kanten bulka seg.

Halsen blei elastisk og god å få over hode,

 Den teknikken skal eg bruka fleire ganger.

                                         Linken finn du her HER , ta ein kikk på den ;)

Mønster, Marius

Garn, Sisu, 431 gr

Pinne nr. 2,5 og 3

Genseren FJELL

Eit barnebarn på 5 år har ikkje villa hatt strikkeplagg på seg.

Eg kom til å spør han om eg skulle strikka ein genser til han,

og ja, han ville ha ein lys blå med gule fjell på!

Fjell? Ja, sånne som går opp og ned, sa han.

Då måtte eg til å teikna og han forklarte, 

han visste nøyaktig kossen han ville ha det. 

Fjell på eine armen og striper på den andre.

Bærestykke har eg kome med forslag til, 

men han har godkjent alt etter kvart.

Kanskje det bur ein liten designer i han?

Det var veldig kjekt å laga denne genseren til han,

og genseren måtte jo få navnet Fjell :)

Litt stor blei den, men då kan han ha den neste vinter og.

Han var veldig kry då han fekk den med seg i går.

Den er min, sa han :)

Mønster: Fjell av Aleksander

Garn, Sisu, 306 gr

Pinne nr 2,5 og 3

Marius

Strikking av restegarn fortsetter,

og denne gang er det Rubingarn som var til overs etter årsteppe.

Ein Mariusgenser str. 2-3 år med rundfelling har eg strikka denne veka.

Det blei litt prøving og feiling på denne og.

Måla på oppskrifta kan aldri vera rett, 

så eg måtte justera bolen og laga den smalare.

Den blei bra til slutt.

Mønster: Marius

Rubingarn, 250 gr

Pinne nr 3 og 3,5

Tusen takk for koselege helsingar, 

veldig kjekt dokke tar dokke tid til det :)

Sinna sauer ;)

 I eit Familien-blad fann eg oppskrift på sinnasau-genseren.

Det passa supert til alpakkarestene eg held på med.

Ein genser str. 6 år i Drops Alpakka,

og ein i brunt og rosa str. 2 år i Sandnes mini-alpakka.

Eg har strikka halsen dobbel og sydd den inn på vranga.

Då ligg halsen mykje finere enn om den er enkel.

Sandnes mini-alpakka, 190 gr

Pinne 3 og 3,5

Drops alpakka, 148 gr

Pinne 3 og 3,5

Avfellinga på halsen har eg brukt ein teknikk som blir veldig elastisk.

Den er kjempebra å bruka når ein strikker sokkar fra tå til topp og.

Eg kan prøva å forklara den.

Strikk to masker, dei to maskene som du nå har på høgre pinne

strikker du vridd samen (i bakre maskeledd).

Strikk ein maske fra venstre pinnen, 

dei to maskene du har på høgre pinne strikker du vridd samen.

Slik gjentar du omgangen rundt.

Og ja, eg har ennå meir alpakkagarn liggande.

Men nå har eg tatt fram eit anna garn ;)

Hønsestrikk Genser

I garnlageret mitt har det hopa seg opp med rester av diverse alpakkagarn.

Det var i mange fargar, og då passa det godt å prøva hønsestrikk.

Eg hadde ikkje oppskrift, og det straffa seg.

Tenkte først ein størrelse ca 6 år, men den førstre blei alt for liten.

Etter første mønsteret rekte eg opp og la opp på ny,

men då tok eg godt i, den er nok 7-8 år i størrelen.

Tenkte det var betre med for stor eller for liten,

gadd i alle fall ikkje rekka opp igjen!

Men eg har strikka genseren ca 1,5 gang,

ikkje alle mønster og fargekombinasjon eg blei fornøgd med.

Veit ikkje om bæresykket blei så bra heller, 

men nå blir det ikkje rekt opp fleire ganger!

Alle mønstra har eg funne i boka Høsestrikk til folket.

Dei fleste figurane var store, så eg har laga sauene og vannkannene mindre.

Div. alpakkagarn, 293 gr

pinne 3 og 3,5

Eg har ennå masse garn igjen, og eg er i gang med ein genser til.

Men det blir ikkje hønsestrikk denne gang ;)

Ha ei fin og kreativ veka :)

Genser nr 2

Endeleg har eg fått montert genseren som blei feil,

eg har strikka den med feil pinnestørrelse!

Den blei lagt til side, og eg strikka ein ny. 

Du kan lesa om tabben min HER

Denne genseren blir gevinst på julemessa sin basar,

eg var glad eg slapp å rekka opp!

Genseren er mjuk og deilig i garnet Hexa, fra Du store alpakka.

Den er strikka med dobbelt garn.

Mønster, Du store alpakka

Garn, Hexa, 758 gr

Pinne nr 8

Sokkar er og greit å ha til salgs på julemessa.

Var fornøgd med fargane i dette On line garnet, og sokkane blei tynne og lette.

To mønster-rapporter i sokken blei str.38, og begge blei like. (det liker eg )

Garn, On line, 52 gr

Pinne nr 3

Utstillingsmodell

Snakk om å gå med håve under armen!

Eg fekk spørsmål om å strikka ein genser som skulle vera modell på butikken.

Det hadde eg lyst til og satte i gang fort og gale,

dei var annige på å få den ferdig.

Eg hadde strikka bolen då eg kom til å sjå i posen etter meir garn.

Og skrekk og gru, der låg pinnen eg skulle ha brukt!!

Eg hadde klart å strikka med den minste, nr 8 som skal brukast i halsen,

og den andre er nr 12! Kunne ikkje tru at eg hadde strikka før,

men ein liten unskyldning er at eg hadde strikka med pinne 2, 

og då føltes nr 8 tjukk i hendene...

Det må jo vera rett på ein modell som skal henga på utstilling,

men eg slapp å rekka opp. 

På fredag kom nytt garn i hus, og den første kjøper forreninga til gevinst på julemessa.

Heldigvis blei det ein annen farge ;)

I dag har eg montert den ferdig.

Det går fort med tjukk pinne og dobbelt garn ;))

Nå skal eg i forrening, og då får eg legga opp til arm på den grå genseren.

Rillestrikk er greit å strikka når praten går :)

*

Takk til dokke som besøker bloggen min og legg igjen ei helsing,

det er veldig koseleg :)

Mønster fra Du Store Alpakka

Garn, HEXA, 625 gr

Pinne nr. 12 og 8