Along del 2

I andre del av alongen skulle me strikka 6 av desse lappane.

Det var ikkje godt å sjå kva det skulle bli,

men sjå kor fin julekule det blei til slutt ;)

Eg brukte kvitt garn til samenheklinga. 

Kunne tenkt meg sølvgarn, men det fekk eg ikkje tak i.

Gjestal Baby Bomull, 17 gr

Pinne 2,5

Det er bare så leit at Handarbeids-forumet der alongen gjekk er blitt hàcka.

Alt er sletta og borte! Kan du forstå kva gleda dei har av å herje rundt slik?!!

Eg er skuffa og lei meg, huff!!

*

Men over til noko kjekkere ;)

I helga hadde me juletresalg med bålkos.

Kundene fekk kaffi og pepperkaker og ungane steikte pinnebrød.

Mange kjem igjen år etter år, og fleire nye kunder kom og.

Det er blitt ein koseleg tradisjon.

Det einaste som mangla, var snøen.

*

Eg fekk ei koseleg julehelsing i posten ein dag.

Sjekk denne fyren her..

Praktisk er han og, den vil bli mykje brukt av meg.

Falt heilt for krabben, eg! Tusen takk, Linda :)

*

Eg har lova å skriva oppskrifta på tova engler.

Hanne Aas si oppskrift låg til gratis nedlasting, då er det vel greit å gi den videre.

Du kan bruka Vestlandsgarn, Mor Aase og Østlandsgarn,

eller anna garn som tover.

Pinne nr 4.

Legg opp (60) 80 m, strikk 3 riller.

Fortsett med rettstrikk rundt. Merk midt foran og bak. 

Fell 1 m før og 1m etter den merka masken annenhver omgang.

Strikk til det er 8 m igjen. Strikk 1 omg vrang.

Neste omg strikkes 2 m i hver maske = 16 m.

Strikk (7) 9 omg. Fell 4 m på neste omg. = 12m.

Trekk tråden gjennom de 12 maskene.

Vinger

Legg opp 5 m. Strikk 1 r, 1 kast omg ut = 9 m.

Strikk 1 pinn rett, sett et merke ved midtmasken.

Strikk 1m r, 1 kast, strikk til midtm, 1 kast, 1r, 1kast, strikk rett til 1m står igjen, 1 kast, 1 rett.

Neste pinne rett.

Fortsett disse to pinnene til det er (35) 45 m på pinnen.

Fell av.

Montering

Fyll hode med fyllvatt eller garnrester, trekk maskene godt sammen og fest tråden.

Sy fast vingene.

Toves i maskin på 40 gr.

Hekle en hempe som festes på hode.

Pynt eventuelt med perler til glorie.

Eg har tatt med ein størrelse mindre som eg strikka i høst.