Zuzu's Petals - Hals

I garnlageret mitt har det ligge 2 nøster til modning

og venta på det rette prosjektet. (Ilag med mange nøster til)

Det var ei gåve eg fekk då eg hadde besøk av nokre strikkevenner.

Det er BC garn, Sarah Tweed, blanding av morbærsilke, bourettsilke og ull.

Eg har lenge tenkt på denne halsen og det var midt i blinken for dette garnet.

Halsen blei mjuk, herleg og varm.

Eg lika den så godt at det blei ein til i same slengen.

Denne halsen er i eit bomullsgarn med litt cashmere i,

så den kan eg bruka på sommaren og.

Fargen er lilla og gråmelert.

Men eg har ennå eit nøste igjen av kvar, så kva skal eg strikka av det?

Kanskje pulsvarmere, det får eg tenka på.

Mønster, Zuzu's Petals av Carina Spencer

Garn, Sarah Tweed, Bc garn, 44 gr

Garn, Autumn Wind, Lotus yarns, 46 gr

Pinne nr 4

Mayapple Sjal

Sjalet har vore ferdig eit par veker nå,

men det blei ikkje tatt bilder av det før det skulle pakkast inn og givast bort.

Ei tante blir 75 år, og ho likte veldig godt Hoolbrook sjalet mitt,

eg veit ho ønska seg eit.

Det sjalet har eg strikka 4 stk av, så det frista ikkje med eit til,

men eg fann dette Mayapple sjalet med same fasong, bare eit anna mønster.

Det er same designer som har laga dei to sjala, Dee O'Keefe.
Eg likte vel så godt å strikka dette.

Mønstera kan kjøpast på Ravelry.

Tante fekk det i helga og ho var veldig fornøgd med det.

Mønster, Mayapple Shawl av Dee O'Keefe

Garn, Merilla, Svarta Fåret, 44 gr

Pinne 3,5

Kjole til Storesøster

Eg fekk eit ønske fra barnebarnet om ein ny kjole.

Ho fekk ein for tre år sia, og nå var den for liten.

Det kom ein snap der ho spurde om ho kunne få ein prikk lik bare gul, takk!

Klart mormor hiv seg rundt med strikkepinnane då!

Ein solgul kjole i str. 6-7 år.
Garnet er Bjørk, blanding av bomull og merino, mjukt og godt.

Mønster: Viking Design

Garn, Viking Bjørk, 208 gr

Pinne 2,5 og 3

Mønster: www.stickatillbarbie.se

Mandarin petit, 31 gr

pinne 2,5

*

Lillesøster måtte og få kjole, men det blei ein liten til barbiedokka.

Bildene blei tatt i full fart før kjolane skulle sendas avgårde,

det blei ikkje verdens beste bilder.

*

God helg!

Grand Coquelicot Jakke - ENDELIG

Denne jakken har vore dryg å strikka!! Fleire ting har gjort at det har gått tregt. 

Garnet var ikkje det beste å strikka med, det var veldig laust spunne og hadde lett for å dela seg.

Jakken er strikka ovenfra og ned, og første forsøk fekk eg den for stor over armane.

Etter å ha rekt opp igjen og starta på ny, så løsna kabelen fra pinnen og maskene for av.

Sukk og stønn!! Eg fekk limt den på igjen og plukka opp maskene.

Då gjekk det lenge greit å strikka, men fann fort ut at eg hadde for lite garn.

Garnet hadde eg kjøpt på Island for to år sia, så det var ikkje lett å få tak i.

Eg tok kontakt med produsenten, Hjertegarn i Danmark,

og dei var så greie å senda meg dei to nøstene eg mangla.

Ikke nok med det, men eg fekk dei gratis!!

Det var ingen rekning i pakken, så eg sende ein mail å spurde kva eg skulle bestala.

Nei, det var ein liten gave fra dei, fekk eg til svar, fantastisk!!

Det blei ein overraskande flott avslutning på jakken i alle fall :)

Og eg blei godt fornøgd med resultatet.

Eg er litt i tvil om eg skal ha dei blanke knappane 

eller om eg skal gå for blå, meir anonyme knappar.

Kva synes du?

Mønster: Grand Coquelicot av Hel Et Zel

Garn: Arezzo lin, 425 gr

Pinne 3 og 3,5

Det humper og går

Her går det fremdeles i sakte kino.

Eg strikker jo litt kvar dag, men kanskje bare 3-4 omganger,

det har blitt mykje dilling med andre ting...

og når det i tillegg blir to skritt fram og eit tilbake 

viser det ikkje mykje framgang!

Dette garnet kjøpte eg på Island for to år sidan, 

det er ein blanding av lin, bomull og bambus.

Eg har lenge leita etter det rette mønsteret til ein jakke,

og endeleg skulle eg rektig kosa meg med eit strikk til meg sjølv.

Det har ikkje blitt så mykje kos.

For det første er garnet veldig laust spunne og lett for å dela seg,

så eg strikker bare i dagslys for å ha kontrollen.

Har strikka ei jakke i same garn før ( den kan du sjå HER )
Kan ikkje huska at det var så galt den gangen.
Eg er veldig fornøgd med jakken,
den er like fin etter mykje bruk og vask i maskinen.

 Eg må som regel ha ekstra masker i overarmane,

og det gjorde eg her og, strikker ovenfra og ned.

Eg prøvde etter kvart, men fekk det for stort allikevel,

og den som måtte rekka opp var meg! Eit heilt nøste blei rekt opp!

Ja ja, på an igjen... så langt er eg komt til nå.

På kveldane går det i lappestrikk til Vivid teppe, har 30 lappar til nå.

Eg vasker og blokker dei ut til 22 x 22 cm. 

Det blir eit lett og godt teppe i Kauni garn.

Nei, nå må eg ta nokre omganger på jakken.

*

Tusen takk for koselege kommentarer på tidlegere innlegg.

Det er veldig kjekt å høyra fra dokke :)

Multistrikking

Strikkelysten er ikkje på topp for tida, men litt får eg nå gjort.

På toppen av det heila, så starter eg på fleire ting på ein gang,

noko som eg skjelden har gjort før.

Då går det ikkje så fort å få det ferdig.

Eit større prosjekt er Vivid-teppe, eit lappeteppe med holmønster.

Nokre lappar er det blitt, og eg vasker og blokker dei etter kvart.

Strikker det i fleirfarga Kauni.

Gubben sliter veldig på sokkane sine, og det trengs nye for tida.

To par har eg strikka, eit til gubben og eit til eine svigersonen som har bursdag.

Kjøkkenklutane mine er og velbrukte, så eg treng fleire.

Har bare strikka ein foreløpig, beste klutar som fins!

Eg har starta på enda eit prosjekt.

For nokre år sidan var me på Island.

Der kjøpte eg eit garn som heiter Arezzo lin, det er blanding

av lin, bomull og bambus. Det er eit garn som held seg godt og er ikkje så varmt.

Derfor passer det å strikka seg ein jakke til våren.

Garnet er veldig laust spunne, så det deler seg lett når eg strikker.

Fann eit mønster på Ravelry, jakken skal strikkast ovenfra og ned.

Eg har jo gjort det før, men denne har ein spesiell start,

håper eg får det til, er ikkje ekspert på engelsk!

Gjestal Sportsragg, 127 og 136 gr

Rauma Pandora, 50 gr

Det nermer seg fort påske og. I dag har eg baka havrekjeks.

Dei må eg alltid ha til påske, alle er glad i havrekjeks.

Ønsker dere alle ei rektig god påske!

Genser med raglanfelling

Ja, det blei raglanfelling på genseren og det gjekk veldig bra.

Synes det passa godt til mønsteret på denne genseren, 

eg strikka to masker mellom fellingane.

Det har vore eit drygt arbeid, denne genseren.

Eg veit ikkje kvifor, men eg gjekk lei så eg måtte ta meg isamen for å få den ferdig.

Den skal vera gevinst på basaren foreninga vår skal ha etter påske.

Det er eit herleg garn å strikka med, Viking Alpakka Silk.

Dessverre er det gått ut nå.

Garn, Viking Alpakka Silk, 619 gr

Pinne 3 og 3,5

 *

Nå blir det lappestrikking til Vivid-teppe mitt.

Eg strikker det i multifarga Kauni, farge EF.

Eg blei ikkje fornøgd med fargane, synes det er for mørkt.

Sånn er det når me handler på nett, fargane er ofte mørkare enn bilde viser.

Fargane går i blå, lilla og grønntoner, eg har ikkje kome gjennom alle enda.

Kanskje eg må ha nokre lys grå lapper i tillegg?

Det får eg tenkja på...

Det skjedde med eit herleg Merinogarn eg spanderte på meg og,

fargane var mykje mørkere enn bilde viste på nettbutikken.

Det er bare så mjukt og herleg dette garnet,
Dei passa godt isamen og, så eg må finna eit fint mønster til eit sjal
i to fargar.

Det er snart helg att. Eg gleder meg til koseleg besøk av ei venninne i helga.

Då blir det masse strikking og ein god prat, herleg!

God helg til dokke og!