Maratonstrikking

Ja, det har vore full fart med strikkepinnane denne veka.

Det starta med at eg måtte legga vekk kofta mens eg venta på nye rundpinner.

Eg strikker lausere på mønsterstrikk enn glattstrikk med ein farge,

og kom på at eg vil prøva å gå ned i pinnestørrelse.

Eg var så heldig å finna pinnetupper nr 2,75,

men då eg skulle til å strikka med dei, så passa dei ikkje til kablane eg hadde.

Då var det bare å bestille nye kabler, og det har tatt 4 dagar fra Østlandet i posten.

Eg kan jo ikkje sitja med hendene i fanget, 

så eg strikka eit par votter til storebroren til babyen som skal få kjole.

Han og må få ein liten pakke, og tova votter er eit must på desse kalde vinterdagane.

Så fekk eg ein telefon fra dattera om eg kunne strikka votter til to gutter, 

og ho hadde satt pris på votter til eine jenta si.

Då var det bare å fortsetta  for fullt.

Eg fekk ein telefon til av ei anna datter, jenta deira hadde mista den ein votten sin.

Kunne eg strikka nye? Ja då, klart det!

Nå har er strikka 7 par votter og eit par sokker.

Regia, Arne & Carlos, 29 gr

Vestlandsgarn, 72 gr

Hifa Ask, 112 gr 

Men ikkje nok med det. Eine dattera hadde lyst på eit skjerf til ho skulle reisa i går kveld.

Ho hadde starta to kveldar før, men hadde ikkje sjangs å få det ferdig, ho jobber på dagen.

Eg sa eg kunne strikka det eg klarte i går, og det blei eit skjerf/hals som me satte knappar i.

Ho blei veldig fornøgd. Eg glømde å ta bilde av det ferdig.

I går kom endeleg kablane i posten, så nå kan er fortsetta med kofta.

Det er Nancykofte med rundfelling og mønster på bærestykket.

Takk for du legg igjen ei helsing, det er veldig kjekt!

God helg!